Hou vremd ik blief

omreden de norms die daor an verbunnen weren, veureerst toespitst wodden op ’e studie van de klassieke taelen en letterkunde, moj’ aj’ rabbijn wodden wollen as absolute veurweerde voldoen an de eis van een candidaots in de Oolde Letteren. Wat laeter moch et ok et candidaots in de Oosterse Letteren wezen. Nóg laeter wodde een doctoraal in de Geschiedenis (mit de Oolde historie as heufdvak) accepteerd. Die richting keus ik, en dat zol veur mien hiele leven bepaolend wodden. Tot en mit vandaege-de-dag.

Vertel es wat over jow studente-tied.

Ik heurde al gauwachtig bi’j de Zionistische Studente-orgenisaosie waor a’k as spreker en schriever mien sporen verdiend hebbe. Jaorenlaank redigeerde ik et toonangevende orgaan van de nationaol-joodse Jeugdfederaosie. Nog even en ik - een orthodoxe seminarist - heurde bi’j de veuruutstrevende linkerkaante van de zionisten. Op die meniere kwam ik in contact (en vanzelssprekend in conflict) mit feguren as Sam de Wolff en (de laetere perfester) S. Kleerekoper.

Hoe verleup jow studie?

Studies meuj’ wel zeggen. Want zowel et seminarium as de Universiteit stelden heur hiel eigen eisen. Kot formeleerd: an joodse ziede hul ik et vol tot et eerste grote, inleidende examen: de Hoogste Rang godsdienstonderwiezer. Mien universitaire studie wodde begin oktober 1941 ofsleuten mit een promosie op Isaac da Costa’s weg naar het ChristendomI Bijdrage tot de geschiedenis der joodse problematiek in Nederland. Promotor was - veur de eerste keer in zien universitaire loopbaene - Jan Romein. Mar doe weren de moffen d’r al lange.

Hoe ston iene as jow sund de dattiger jaoren tegenover et Nationaol-Socialisme?

Et is nuver dat ik mit mien studie uut aende gong doe Hitler

- 32 -